Ўзбекистон Республикаси
Бош прокуратураси Академияси

Қабул талаблари

Ўзбекистон Республикаси Бош прокуратураси Академиясига “12.00.07-Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура” ихтисослиги бўйича таянч докторантурага (PhD) қабул бўйича талаблар.

 I. Таянч докторантурага (PhD) қуйидагиларга эга бўлганлар қабул қилинади: 

  • магистр даражасига, олий маълумот тўғрисидаги диплом (мутахассислик дастурлари бўйича) эга бўлганлар;
  • фалсафа доктори (PhD) илмий даражасини олиш учун диссертация тадқиқоти асосини ташкил қилиши мумкин бўлган илмий натижалар, шу жумладан илмий журналларда чоп этилган камида битта мақола ҳамда тегишли йўналишлар бўйича иккитадан кам бўлмаган илмий ишлар тўпламларига киритилган маъруза тезисларига эга бўлганлар.

 

Таянч докторантурада (PhD) ўқиш учун талабгорлар Академияга қуйидаги ҳужжатларни тақдим этадилар: 

  • Академия бошлиғи номига таянч докторантурага (PhD) қабул қилиш ҳақида ариза;
  • талабгорнинг қисқача биографик маълумотномаси;
  • меҳнат дафтарчасининг белгиланган тартибда тасдиқланган нусхаси;
  • олий таълим муассасаси магистратураси дипломи, олий маълумот (мутахассислик дастурлари бўйича) тўғрисидаги диплом нусхаси;
  • нашр этилган илмий ишлар рўйхати, шунингдек уларнинг нусхалари.

     Ўзбекистон Республикаси Президенти Давлат стипендияси соҳиблари тегишли ҳужжат нусхасини тақдим этишлари мумкин. 

Ўзбекистон Республикаси Бош прокуратураси Академиясига “12.00.07 – Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура”, "12.00.08 – Жиноят ҳуқуқи. Ҳуқуқбузарликларнинг олдини олиш. Криминология. Жиноят-ижроия ҳуқуқи”, "12.00.09 – Жиноят процесси. Криминалистика, тезкор-қидирув ҳуқуқ ва суд экспертизаси” ҳамда “12.00.12 – Коррупция муаммолари (юридик фанлар бўйича)” ихтисосликлари бўйича мустақил изланувчиликка (PhD, DSc) қабул бўйича талаблар

II. Фалсафа доктори (PhD) илмий даражаси учун мустақил изланувчиликка қуйидагилар расмийлаштирилади: 

  • магистр ёки олий маълумот тўғрисидаги (ихтисослик бўйича) дипломга эга бўлганлар;
  • белгиланган илмий мақолаларига эга бўлганлар (илмий журналларда чоп этилган камида битта мақола ҳамда тегишли йўналишлар бўйича иккитадан кам бўлмаган илмий ишлар тўпламларига киритилган маъруза тезислари);
  • камида икки йиллик илмий-педагогик иш стажи ёки муайян илмий ютуқлар (ихтиро учун патентлар ёки муаллифлик гувоҳномалари)га эга бўлганлар. 

Фалсафа доктори (PhD) илмий даражаси учун мустақил изланувчиликка талабгорлар Академияга қуйидаги ҳужжатларни тақдим этадилар: 

  • Академия бошлиғи номига мустақил изланувчиликка қабул қилиш ҳақида ариза;
  • талабгорнинг қисқача биографик маълумотномаси;
  • олий таълим муассасаси магистратураси дипломи, олий маълумот (мутахассислик дастурлари бўйича) тўғрисидаги диплом нусхаси;
  • меҳнат дафтарчасининг белгиланган тартибда тасдиқланган нусхаси;
  • илмий ишлар рўйхати ва уларнинг нусхаси;
  • иш жойидан тавсифнома. 

III. Фан доктори (DSc) илмий даражасини олиш учун мустақил изланувчи сифатида расмийлаштирилувчи шахслар қуйидаги талабларга жавоб бериши керак: 

  • фан номзоди ёки фалсафа доктори (PhD) ёхуд уларга тенглаштирилган хорижий мамлакатларда олинган дипломга эга бўлиш;
  • фан номзоди ёки фалсафа доктори (PhD) илмий даражасини олгандан сўнг муҳим илмий ютуқларга эришиш, хусусан, фан доктори (DSc) илмий даражасини олиш учун диссертация тадқиқоти асосини ташкил қилиши мумкин бўлган илмий журналларда чоп этилган камида учта илмий мақолага ҳамда илмий-амалий конференциялар, семинарлар ва тегишли илмий йўналишлар бўйича илмий ишлар тўпламларида камида иккита тезисга эга бўлиш. 

Фан доктори (DSc) илмий даражаси учун мустақил изланувчиликка талабгорлар Академияга қуйидаги ҳужжатларни тақдим этадилар: 

  • Академия бошлиғи номига мустақил изланувчиликка қабул қилиш ҳақида ариза;
  • талабгорнинг қисқача биографик маълумотномаси;
  • меҳнат дафтарчасининг белгиланган тартибда тасдиқланган нусхаси (ишлаётган талабгорлар учун);
  • нашр этилган илмий ишлар рўйхати, шунингдек уларнинг нусхалари;
  • фан номзоди ёхуд фалсафа доктори (PhD) дипломи ёки хорижий давлатда унга тенглаштирилган илмий даражага эга бўлганлиги тўғрисидаги диплом нусхаси;
  • иш жойидан тавсифнома. 

Таянч докторантурада (PhD) ўқиш учун ҳужжатлар Академия қабул комиссияси томонидан 15 сентябрдан
15 октябргача бўлган даврда қабул қилинади.
 

  • Таянч докторантурада ўқиш учун талабгорлар мутахассислик ва чет тили (таълимнинг олдинги даражаларида ўрганилган хорижий тил) бўйича кириш имтиҳонлари топширадилар. Талабгорларда IELTS (ўртача балли камида 5,5), TOEFL (РВТ) (567 баллдан кам бўлмаган), TOEFL (iBT) (87 баллдан кам бўлмаган), CEFR (В2 даражадан паст бўлмаган) бўйича тасдиқловчи амалдаги халқаро малака сертификатлари мавжуд бўлганда чет тилидан топшириладиган имтиҳонлардан озод этилади.
  • Кириш имтиҳонлари саволлари Академиянинг қабул комиссияси томонидан мутахассисликнинг моҳиятидан келиб чиқиб тузилади ва Академиия Кенгаши томонидан тасдиқланади.

Эслатма: Ўзбекистон Республикаси Вазирлар Маҳкамасининг 2019 йил 19 июлдаги 606-сонли қарори билан талабгорлар ОТМ ёки ИТМ раҳбарининг ҳар чоракда 5 март, 5 июнь, 5 сентябрь ва 5 декабргача эълон қилинадиган буйруғи билан мустақил изланувчиликка расмийлаштирилиши белгиланди.

Мустақил изланувчиликка талабгорларни танлаб олиш ихтисослик бўйича суҳбат натижалари ва Бош прокуратура Академияси қабул комиссиясининг тегишли хулосаси бўйича амалга оширилади.